"Re.Cover"

Ana Strumpf е автор на серијата "Re.Cover" во која таа  со муницијата за креативност Sharpie и DecoColor  шара врз кориците на  списанијата W,Esquire, Interview, I-D, Dazed & Confused, Vogue . 

Strumpf освен добро презиме има и импонирачко резиме. Образование : Anhembi-Morumbi University во São Paulo,  Fashion Institute of Technology во NY и за крај Parsons New School of Design.

 Консултант, дизајнер за внатрешен и продукт дизајн (работено за MICASA,  потоа бразилската компанија за осветлување на домот BERTOLUCCI и THE WALT DISNEY CO. со колекциите Alice in Wonderland и Zé Carioca.)Понатаму, едитор на неколку магазини LICIA, MTV Magazine  и блогот -MINAS DE OURO  , колумнист за VOGUE BRASIL преткажувач на трендови за познати брендови и маркетинг агенции.  Прескокнувам некои CV податоци и се запрашувам колку раце , нозе, верзии од себе има штрумфетава?

                

Со сите овие досигнувања докажува дека лошите и добрите работи во нашите животи се само формации на прогонети облаци кои ги менува невидливиот ветер и потенцијалот во нас треба секојдневно да се предизвикува на дуел. 

  Кога желбата да се промени нешто во животот е потисната од стравот, тогаш страхувањето од  непознатото функционира како силна кочница. Неспокојот од чекорите што треба да ги проодиме кон недефинираното, несигурното за повеќето е знак стоп во стемежот да се развиваат понатаму. 
Одвојувањето од бесмислената дневна добро извежбана рутина е навика која треба да се повторува.

Human beings are works in progress that mistakenly think they're finished.- Dan Gilbert 

                     

               

                      

                     

                 

Karen Walker Forever

Главните улоги во документарецот Advanced Style на Ari Seth Cohen  ги имаат +60 годишни,меѓу кои Ilona Royce Smithkin, Joyce Carpati, Linda Rodin чии размислувања и креативност се како замрзната храна ставена во фрижидер која тешко се расипува.

Дизајнерката Karen Walker здосадена од заблудaта и едноличната поврзаност на младоста со  убавината во модната индустрија, за каталогот на колекцијата  наочари  пролет/лето ,го има ангажирано Cohen. Тој има избрано 12 модели на возраст од 65 до 92 години кои се интервјуирани и фотографирани во своите домови.Колекцијата Karen Walker Forever е ретроспектива од стари но и куп од нови модели , 31 на број.

Како што фонографот служи за снимање тонови и гласови заради нивна репродукција, овие жени се  човеколики мутации на оваа справа. Низ нивното постоење на планетата Земја е снимен запис на еден долгометражен инстпиративен животен стил на кој останатите можат да вежбаат повторување.

Ги има многу на број кои живеат во корупки, фасади зад кои, мижитатара- нивното вистинско јас. ’Како што е внатрешноста на главицата кромид опколена со бројни слоеви, тие фасади се само бескорисни лушпи на стварниот живот.’ Документарецот и блог страницата Advanced Style видливо укажува дека не станува збор за наки(т)нџурени геријатриски старици  туку за жени кои имаат сонце за три светови, неврзани за тие лушпи. 

Видеоод официјалната најава за документарниот филм.

https://www.youtube.com/watch?v=nWKTfqivbRQ